എയര്‍കണ്ടീഷന്റെ തണുപ്പില്‍
പൂച്ചക്കുട്ടിയ്ക്കു ചൂടുപകരാന്‍
കമ്പിളിപ്പുതപ്പു തിരയുന്ന ഞാന്‍
അതിശൈത്യത്തില്‍,
അല്പവസ്ത്രത്തില്‍
തെരുവിലുറങ്ങുന്നവരെപ്പറ്റി
ചിന്തിയ്ക്കാറില്ല.
പുകമഞ്ഞു പാത മറച്ചപ്പോള്‍
മുടങ്ങിയ വിമാനത്തെ ക്കുറിച്ച്
ഞാന്‍ ആകുലയാണ്.
പുതിയ *റോട്ട് വീലറിന്റെ *പെഡിഗ്രി
അതിലാണ് വരുന്നത്.
ഡോഗ് ഷോ നാളെയല്ലേ !
ആയിരങ്ങള്‍ ഷെല്ട്ടറില്ലാതെ
തണുപ്പേറ്റു മരിച്ചാലെനിയ്ക്കെന്ത് !
കോമണ്‍വെല്‍ത്ത് ഗെയിംസിനു മുന്‍പ്
നഗരം വൃത്തിയാകുമല്ലോ .
*റോട്ട് വീലര്‍:വില പിടിപ്പുള്ള ,മുന്തിയ ഇനം വളര്‍ത്തു പട്ടി.
*പെഡിഗ്രി :കെന്നല്‍ ക്ലബ്ബുകള്‍ നായകളുടെ വംശശുദ്ധിക്ക്‌ നല്‍കുന്ന സര്‍ട്ടിഫിക്കറ്റ്‌ .
Subscribe to:
Post Comments (Atom)
valare nannayettunde
ReplyDelete