ശ്മശാനത്തെ ഭയക്കുന്നിടത്ത്
വിറകുകൊള്ളിയോടൊത്ത്
കത്താന്‍ മത്സരിക്കുന്ന
ഉടല്‍ച്ചിത്രം. . .
വിപണിയിലിറങ്ങിയ
ഏറ്റവും മുന്തിയ നെയ്ക്കുപ്പി
ചോദ്യചിഹ്നമാകുന്നത്
അതേ ചിത്രത്തിന്റെ നെരിപ്പോട്. . .
ചുണ്ടോടടുപ്പിക്കുമ്പോള്‍
മറ്റൊരു ചുണ്ടിന്റെ
കത്തുന്ന ദൃശ്യവല്‍ക്കരണം. . .
അടര്‍ന്നുപോയ ലിപ്സ്റ്റിക്ക്,
പൊട്ടുന്ന എല്ലുകള്‍. . .
മതേതര ജാഥയില്‍
ആസിഡ്‌ ബോംബെറിഞ്ഞു
കൈ വീശി,
നെഞ്ചു തള്ളിച്ചുകിടക്കുന്നത്. . .
ചിതയില്‍ അതേ നെഞ്ചിന്റെ
കത്തുന്ന രംഗം. . .
പാറിപ്പിടിക്കുന്ന തീയും
ഉയരുന്ന നെഞ്ചിന്‍കൂടും. . .
കുന്തമുനയില്‍ ഞെരുങ്ങുമ്പോഴും
മറ്റൊരു നെഞ്ചു ഭീകരത പടര്‍ത്തി
അതേ ജാഥയിലേക്കു
സോഡാക്കുപ്പിയെറിയുന്നൂ. . .
Subscribe to:
Post Comments (Atom)
No comments:
Post a Comment