പഴയ ചിത്രങ്ങളെ പുതു ക്യാന്‍വാസിലൂടെ
മിനുക്കിയെടുക്കുക .
കൊഴിമുട്ടക്ക് പകരം ഓറഞ്ചു തൊണ്ട് ,
അറുത്തെടുത്ത മുടി ,
നഖങ്ങള്‍ ...
ക്ഷുദ്രത്തിന്റെ പാതയിലേക്ക്
കാഴ്ച്ചയെറിയുന്നെങ്കിലും
അങ്ങനെയല്ലെന്നു രേഖപ്പെടുത്തുക .
ഉത്തരാധുനികതയില്‍
അങ്ങനെയൊന്നിനു പ്രസക്തിയില്ലെന്ന്
വെറുതെ വാദം .
മഴക്കാലത്തു മഞ്ഞുവിരിച്ച പുഴ
കാഴ്ചയില്‍ ഇടഞ്ഞ് ....
കടന്നുപോകുമ്പോഴും വഞ്ചിയും സഞ്ചാരിയും
ക്യാമറക്ക്‌ വഴങ്ങാതെ ...
ഓരോ ചിത്രവും
ചതുരംഗപ്പലകയിലെന്നപോല്‍
ഉറക്കം കെടുത്തുമ്പോള്‍
രാപ്പകലിന്റെ ഉത്തരാധുനികത .
Subscribe to:
Post Comments (Atom)
No comments:
Post a Comment