മിശ്രവിവാഹത്തലേന്ന്
കാമിനിയുടെ ചുംബനത്തിനു
വര്‍ഗ്ഗീയ വിഷരസം ,
കാമുകന്റെയും ...
കെട്ടിപ്പിടിക്കുമ്പോള്‍ നെഞ്ചിടിപ്പില്‍
ബാബറി മസ്ജിദിന്‍ താഴികക്കുടം
അടര്‍ന്നു വീഴുന്ന ഒച്ച .
ശൂലത്തിന്‍ കിടുകിടുപ്പ് .
കണ്ണടഞ്ഞു പോകുമ്പോഴും
അതേ മണവും ഒച്ചകളും ...
സ്വപ്നത്തില്‍
വേദസൂക്തങ്ങളും ആയുധങ്ങളും
ആയുര്‍രേഖയില്‍
ഉത്തരാധുനികത ചമഞ്ഞു ഞെട്ടിച്ചു .
മരച്ചില്ലയില്‍ നിന്നും
രാത്രിയുടെ തുറസ്സിലേക്ക്
തെറിച്ചുപോയ ചിറകടികള്‍ ,
അനാഥമായ ചെരിപ്പുകള്‍ .
നിരത്തിന്റെ വിജനതയില്‍
കബന്ധങ്ങളുടെ തേരോട്ടം .
പിറ്റേന്ന് ,
മരവിച്ചു കിടന്ന ഉടലുകള്‍
ഒരേ മണത്തോടെ...
ഒരേ ചന്ദത്തോടെ
Subscribe to:
Post Comments (Atom)
No comments:
Post a Comment